BMW ընկերության ղեկավարությունը կարող է ավելացնել i8 հիբրիդային սպորտքարի թողարկման ծավալները, քանի որ նորույթի պահանջարկը գերազանցել է առաջարկը: Այդ մասին հայտարարել է բավարական ընկերության մարկետինգի բաժնի ղեկավար Յան Ռոբերթսոնը:
«Մենք պետք է միջոցներ գտնենք ավելացնելու արտադրությունը, քանի որ որոշ շուկաներում սպասման ցանկը ձգվել է 18 ամսով»,- ասել է նա: Նա միաժամանակ հրաժարվել է հայտնել խնդրի լուծման տարբերակները՝ նշելով, թե հիբրիդն ի սկզբանե ծրագրվում էր որպես էքսկլյուզից մոդել, որի վաճառքը չի գերազանցելու տարեկան մի քանի հազար նմուշը:
BMW i8-ը սկսել է վաճառվել Եվրոպայում այս տարվա հունիսից, իսկ մեկ ամիս անցա հայտնվել է ԱՄՆ-ում: Այս պահի դրությամբ գերմանացիները վաճառել են 760 մեքենաներ, որոնցից յուրաքանչյուրի արժեքը սկսվում է 126 հազար եվրոյից: