«Ռոսինկասի» երկու աշխատակիցների հայտնաբերել են ծառայողական մեքենայում, Օմսկի երկրամասի Տեւրիզ գյուղից ոչ հեռու, մայրուղու վրա, հաղորդում է LifeNews-ը:
Աղբյուրի փոխանցմամբ, տրանսպորտային միջոցը կանգնած է եղել մոտ ութ ժամ, ընդ որում, շարժիչն այդ ընթացքում աշխատել է: Ներսից արգելափակված մեքենայում ոստիկանները երկու դի են գտել: Զոհվածները «Ռոսինկասի» աշխատողներ են, որոնք նախօրեին ծառայողական գործուղման էին մեկնել:
Ըստ կանոնների, ինկասատորներին արգելվում է մարել ծառայողական մեքենայի շարժիչը: Նախնական տվյալներով, նրանք կանգնել են հանգստանալու, բայց տեխնիկական խնդիրների պատճառով մեքենայի մեջ թունավոր գազեր են լցվել: