Ռուսաստանի եւ Ուկրաինայի նախագահների հեռախոսազրույցում ոչ մի սպառնալիք չի հնչել, եւ Կրեմլն ունի դրա բոլոր ապացույցները: Երկու առաջնորդների բանակցությունները, որպես կանոն, գործնական հունով են ընթանում: Այս մասին, ըստ ՏԱՍՍ-ի, հայտնել է ՌԴ նախագահի օգնական Յուրի Ուշակովը:
«Այդ բազմաթիվ զրույցների ընթացքում ոչ ոք երբեք սպառնալիքներ չի հնչեցրել: Մենք հարյուրտոկոսանոց ապացույցներ ունենք, որովհետեւ բոլոր խոսակցությունները ձայնագրվում են: Մի խոսքով, ուկրաինական մամուլում հիշատակված ոչ մի բանն էլ տեղի չի ունեցել», - ընդգծել է Ուշակովը՝ մեկնաբանելով Ուկրաինայի առաջնորդի հասցեին իբրեւ թե հնչած սպառնալիքների մասին լուրերը:
Ավելի վաղ մամուլը գրել էր, որ Պուտինն ու Պորոշենկոն անդրադարձել են Ուկրաինայի հետ ՆԱՏՕ-ի հարբերություններին, որոշ լրատվամիջոցներ էլ պնդել էին, որ ՌԴ նախագահը սպառնացել է գործընկերոջը:Ավելի ուշ ուկրաինական կողմը հերքել էր այդ լուրերը: