«Օրինաց երկրի» մասնակցությամբ խորհրդարանական նոր քառյակի մասին դեռ խոսք չկա, դեկտեմբերի 16-ին հայտարարել է ՕԵԿ խմբակցության քարտուղար Մհեր Շահգելդյանը՝ խորհրդարանի ոչ իշխանական ուժերի մամուլի ասուլիսում:
Ըստ նրա՝ «Օրինաց երկրի» համագործակցությունը մյուս երեք ուժերի հետ տարբեր ուղղություններով է տեղի ունենում: Ավելի վաղ այն ընթանում էր ոչ իշխանական ուժերի պահանջների 12 կետի մասով՝ ուղղված իշխանությանը, ավելի ուշ ընդհանուր մոտեցումներ գտնվեցին Ընտրական օրենսգրքի հարցում: «Մենք համագործակցել ենք եւ շարունակում ենք համագործակցել Հայաստանի համար կարեւորագույն բոլոր ուղղություններով», - վստահեցրել է Շահգելդյանը: