Մոսկվայի Վնուկովո օդանավակայանում, այսօր՝ դեկտեմբերի 18-ին, կինը դաժանաբար ծեծել է ամուսնու սիրուհուն: Դեպքը տեղի է ունեցել բազմաթիվ մարդկանց, այդ թվում երեխաների, աչքի առջեւ:
Խաբված կինը հարձակվել է 43-ամյա Սվետլանա Կ.-ի վրա եւ ծեծի ենթարկելով նրան, իր հետ տարել է ամուսնուն:
Առկա տվյալներով, խաբված կինը մի քանի ժամ հետեւել է ամուսնուն, մինչեւ նկատել է, որ նա օդանավակայանում դիմավորում է մեկ այլ կնոջ: Տեսնելով սիրուհուն, նա «կորցրել է գիտակցելու ունակությունը» եւ չի կարողացել զսպել իրեն:
Տեսագրությունում երեւում է, թե ինչպես է կինը մի քանի անգամ հարվածում մրցակցուհի Սվետլանայի դեմքին եւ տապալում գետնին, որից հետո վերցնում է ամուսնուն ու հեռանում, հաղորդում է Lifenews-ը:
Մի քանի րոպե Սվետլանան չի կարողացել ուշքի գալ շոկից եւ նստած է մնացել ասֆալտին, մինչեւ պատահական անցորդները օգնել են նրան վեր կենալ եւ շտապօգնություն են կանչել:
Բժիշկների զննումից հետո Սվետլանան բժշկական տեղեկանքով ուղեւորվել է ոստիկանություն: