Ավստրալիայի Քվինսլենդ նահանգի ոստիկանությունը ձերբակալել է 37-ամյա մի կնոջ՝ Քերնս քաղաքում ութ երեխաների սպանության մեղադրանքով, հայտնել են Ավստրալիայի ոստիկանության ներկայացուցիչները:
Ըստ ոստիկանության՝ ձերբակալվածը զոհերից յոթի մայրն է, ութերորդ երեխան նրա ազգականն է եղել: Ուրբաթ կնոջը՝ պարանոցի եւ կրծքի հատվածում դանակի հարվածներով հայտնաբերել են նույն տանը որտեղ սպանված երեխաներն էին: Նա տեղափոխվել էր հիվանդանոց՝ որպես տուժած, հետագայում ձերբակալվել սպանության մեղադրանքով: Միեւնույն ժամանակ ոստիկանությունում ընդգծել են, որ նրան դեռ մեղադրանք չի ներկայացվել, փոխանցում է ՏԱՍՍ-ը:
«Մի քանի երեխաների 37-ամյա մայրը ձերբակալվել է սպանության մեղադրանքով եւ ներկայումս կալանքի տակ է: Նա գիտակից վիճակում է եւ պատասխանում է ոստիկանության հարցերին», - նշել է ոստիկանության ներկայացուցիչը՝ ABC-ի հետ զրույցում:
Սպանված երեխաները 18-14 տարեկան էին: Բոլորն էլ դանակահարվել էին:
