Եգիպտոսի իշխանությունները պաշտոնից ազատվել է երկրի ընդհանուր հետախուզության ղեկավար Մուհամեդ Ֆարիդ աթ-Թահամին: Գերատեսչությունն այս պահին ղեկավարում է նրա տեղակալ Խալեդ Ֆաուզին:
Գեներալ աթ-Թահամին հետախուզության ծառայության ղեկավար էր նշանակվել այս տարվա հուլիսի 5-ին, երկրի նախագահ Մուհամեդ Մուրսիին պաշտոնից հեռացնելուց երկու օր անց: Աթ-Թահամին համարվում է գործող նախագահ Աբդել Ֆատահ աս-Սիսիի հավատարիմներից մեկը, Մուրսիի իշխանության տարիներին նրանք միասին ծառայել են զինվորական հետախուզությունում, հաղորդում է «ՌԻԱ նովոստին»:
Աշխատանքից հեռացման պատճառները չեն նշվում, սակայն AP-ի անանուն աղբյուրների փոխանցմամբ, նա կարող էր հեռանալ առողջական խնդիրների պատճառով. նա վերջերս վիրահատվել էր:
