Հայաստանի ԱԻՆ-ում, այսօր՝ դեկտեմբերի 21-ին, ժամը 12.32-ին ահազանգ է ստացվել, որ Մ-6 միջպետական ավտոճանապարհին` Ալավերդի-Վանաձոր 10-րդ կմ-ին, տեղի է ունեցել ՃՏՊ. բեռնատարը շրջվել է ձորակը (մոտ 10մ), կա տուժած. առկա է վառելիքի արտահոսք. անհրաժեշտ է օգնություն:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ Մ-4 միջպետական ավտոճանապարհի Ալավերդի-Վանաձոր 10-րդ կմ-ում բախվել են «DAF» մակնիշի FXF 142 եւ «ԿամԱԶ» մակնիշի 14 ՕԼ 290 համարանիշների (վարորդ` 34-ամյա Ա. Ա.) բեռնատար ավտոմեքենաները:
«DAF» մակնիշի բեռնատարը դուրս է եկել երթեւեկելի մասից եւ կողաշրջվել հարակից ձորակը (մոտ 3 մ): Թ.Բոլկվաձեն տարբեր աստիճանի մարմնական վնասվածքներով հոսպիտալացվել է Ալավերդու ԲԿ, որտեղ բժիշկները տուժածի առողջական վիճակը գնահատել են բավարար:
Հրշեջ-փրկարարները տուժածին ցուցաբերել են առաջին բուժօգնություն, մոտեցրել շտապօգնության ավտոմեքենային, հոսանքազրել են ավտոմեքենան եւ կատարել ճանապարհի լվացման աշխատանքներ: