Թունիսի Գաբես քաղաքում բախումներ են տեղի ունեցել նախագահի թեկնածուներ Մոնսեֆ Մարզուկիի եւ Բեջի Քայիդ Էս Սեբսիի կողմնակիցների միջեւ: Բախումները սկսվել են իր հաղթանակի մասին Էս Սեբսիի հայտարարությունից հետո՝ ըստ exit-poll-ի արդյունքների: Նրա կողմնակիցները դուրս են եկել փողոցներ՝տոնելով հաղթանակը, չնայած որ պաշտոնական տվյալները դեռ չեն հրապարակվել:
Թունիսի նախագահի թեկնածու Բեջի Քայիդ Էս Սեսբին ընտրություններում իր հաղթանակի մասին հայտարարել է դրանց պաշտոնական տվյալները հրապարակելուց առաջ: Մրցակից թեկնածու Մոնսեֆ Մարզուկիի մենեջեր Ադնան Մոնսարը հայտարարել է, որ թեկնածուների միջեւ տարբերությունը քիչ է, եւ դեռ վաղ է խոսել որեւէ մեկի հաղթանակի մասին, հայտնում է «ՌԻԱ Նովոստին»:
Դեկտեմբերի 21-ին Թունիսում տեղի է ունեցել նախագահական ընտրությունների երկրորդ փուլը: Պայքարին մասնակցում են «Նիդաա Թունիս» (Թունիսի ձայն) կուսակցության առաջնորդ Բեջի Քայիդ Էս Սեսբին եւ հանրապետության գործող նախագահ Մոնսեֆ Մարզուկին: Մասնակցությունը կազմել է շուրջ 59%: Երկրորդ փուլի նախնական արդյունքները ԿԸՀ-ն կարող է հայտնել հենց այսօր: Նոր նախագահի անունը գերատեսչությունը պետք է հայտարարի դեկտեմբերի 24-ից ոչ ուշ: