Քրդական ինքնապաշտպանակն ուժերը հայտարարել են «Իսլամական պետություն» ահաբեկչական խմբավորման զինյալներից Սիրիայի հյուսիսում գտնվող Քոբանի քաղաքի լիակատար ազատագրման մասին, գրում է լիբանանյան «Ան-Նահար» թերթը:
Ավելի վաղ, քրդական «Փիրաթ» գործակալությունը հաղորդել էր, երկուշաբթի առավոտյան որ քուրդ գրոհայինները քաղաքի արեւելքում գնդակոծել են ծայրահեղականների դիրքերը եւ ազատագրել Քանյա-Քուրդան շրջանը: Լրատվամիջոցների տվյալներով՝ գործողության ընթացքում ավելի քան 30 զինյալ է ոչնչացվել: Ողջ մնացած իսլամիստները անհետացել են քաղաքի մոտակա գյուղերում, հայտնում է «ՌԻԱ Նովոստին»: http://ria.ru/
Անցած շաբաթ քաղաքի պաշտպաններին հաջողվել էր գրավել Միշթանուր բարձունքը, ազատագրել Բոթան թաղամասը եւ վերահսկողություն սահմանել քաղաքի գլխավոր մուտքերի՝ «Քոբանիի դարպասների» եւ «Հալեպի դարպասների» նկատմամբ:
Ավելի քան 4 ամիս մարտեր են մղվել Քոբանիի ազատագրման համար: ԻՊ-ի զինյլաների գրոհի սկզբից (սեպտեմերի 16) ավելի քան 1,2 հազար մարդ է զոհվել: Ավելի քան 2 հազար խաղաղ բնակիչներ փախել են հարեւան Թուրքիա: Քոբանիում «Իսլամական պետության» զինյալներին դիմակայում են քրդական ինքնապաշտպանակն ուժերը՝ իրաքյան Քուրդիստանի «Փեշմերգ» զինված խմբավորման մարտիկների աջակցությամբ: