Սիրիայի նկատմամբ Թուրքիայի քաղաքականության նպատակը նախագահ Բաշար Ասադի եւ նրա կառավարության տապալումն է: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ոչ մի կերպ չհիմնավորելով, թե որ նորմերի հիմքով է Անկարան բնական համարում Դամասկոսի ներքին գործերին միջամտելը:
«Սիրիայում մեր քաղաքականությունը հայտնի է, եւ չենք պատրաստվում ինչ-որ կերպ դրա հետ խաղալ: Մեր թիրախը ռեժիմն է», - ընդգծել է Էրդողանը: Ըստ նրա՝ «երեք բան կամ որ պետք է անել եւ որոնց մասին ինքն ասում էր ԱՄՆ-ի նախագահ Բարաք Օբամային. «դրանք են՝ «ոչ թռիչքային գոտին», «անվտանգության գոտին» եւ տեղական ընդդիմության «ուսուցանումը եւ ապահովումը: «Վերջինով ԱՄՆ-ն զբաղվում է, մնացած բաներով՝ ոչ»,- Էրդողանի խոսքերը մեջբերում է ՏԱՍՍ-ը:
Թուրքիայի նախագահն ասել է, որ Ասադի կառավարության տապալումը «ԱՄՆ-ի նպատակների ցանկում չէ»: «Սակայն առանց դրա չի ստացվի լուծել խնդիրը: Նորից կստացվի այնպես, ինչպես Իրաքում: Իսկ մենք կրկնություն չենք ուզում: Հյուսիսային Իրաք է ձեւավորվել, եւ մենք չենք ցանկանում Հյուսիսային Սիրիա: Մեզ համար դա անընդունելի է»:
Սիրիայի Կոբանի քաղաքի վերաբերյալ Էրդողանը հայտարարել է, որ «չի հասկանում, թե ինչու է այն այդքան կարեւոր», եւ ինչու ԱՄՆ-ն, օրինակ, «չի զբաղվում Հալեպի իրավիճակով»: «Կոբանին տեղի բնակչություն չունի: 200 հազար մարդ արդեն եկել է մեզ մոտ, այնտեղ միայն մարտիկներ են: Մենք ասել ենք Օբամային՝ այնտեղ բեռ չթողնել: Ցավոք, երեք С-130 օդանավեր նետել են այն ամենն, ինչ հարկավոր է: Բեռան կեսը հայտնվել է ԻՊ-ի ձեռքում: Եվ հիմա ո՞վ է աջակցում գրոհայիններին», - զզայրացած է ձեւացել Էրդողանը՝ չնայած Թուրքիայի մասնակցությունը Սիրիայում ահաբեկիչներին զինելու հարցում բազմիցս ապացուցվել է: