«Գահերի խաղը» սերիալի 5-րդ սեզոնի թրեյլերը համացանցում տեղադրվել է վատ որակով, բայց ամբողջությամբ եւ ձայնային համադրմամբ: Այս մասին գրում է The Washington Post-ը: Թրեյրելի շնորհանդեսը կայացել է հունվարի 29-ին, իսկ մեկ օր անց էկրանավորումն արդեն հայտնվել է YouTube-ում:
Թրեյլերից պարզ են դառնում սերիալի հաջորդ սեզոնի մի քանի մանրամասներ: Իսկ սեզոնի պրեմիերան HBO հեռուստաալիքով կայանալու է ապրիլի 12-ին:
Ճկույթը ձեռքը դնում է Սանսա Սթարքի դեմքին եւ ասում, որ աշխարհում արդարություն չկա: Ինչպես միշտ, Սերսեյ Լանիսթերը վիրավորում է Տիրիոնին:
Կեղտոտ եւ փրչոտ Տիրիոնը ներքինի Վարիսի աչքի առջեւ ընկնում է բեռնատարից: Ջորախ Մորմոնտն էլ պայքարում է գլադիատորների արենայում:
Իսկ Դեյեներիս Թարգարիենի սիրո առարկան հայտարարում է. «Ես չեմ պատրատվում կանգնեցնել անիվը, ես պատրաստվում են կոտրել այն»: Եվ վերջապես, Արիա Սթարքը գտնում է իր սուրը: