Հարկավոր է խաչել մատներն ու սպասել լավ բանի: Տեսնենք, թե երբ կգա ժամանակը, երբ առաջընթաց կարձանագրենք ԼՂ խնդրի կարգավորման հարցում: Այս մասին հայտարարել է ԵԱՀԿ գլխավոր քարտուղար Մարկ Պերին դե Բրիշամբոն: Նրա խոսքով՝ ԵԱՀԿ Մինսկի խմբի համանախագահների հանդիպումը Ադրբեջանի եւ Հայաստանի ԱԳ նախարարների հետ անչափ կարեւոր է, քանի որ բարձր մակարդակների շփումները անհրաժեշտություն են բանակցային գործընթացում տեղաշարժ արձանագրելու եւ երկու երկրների միջեւ թյուրըմբռնումները բացառելու համար: «Այդ պատճառով բոլոր այսպիսի հանդիպումները կարեւոր են: Եւ ես հույս ունեմ, որ այս հանդիպումը շատ օգտակար կլինի»,-նշել է նա:
Ինչպես ավելի վաղ հայտնել էր NEWS.am-ը, ԵԱՀԿ անդամ երկրների ԱԳ նախարարների ոչ պաշտոնական գագաթնաժողովի ընթացքում տեղի կունենա հնգակողմ հանդիպում ԵԱՀԿ Մինսկի խմբի եւ Ադրբեջանի ու Հայաստանի ԱԳ նախարարների միջեւ: Երկու երկրների արտաքին գերատեսչությունների ղեկավարները միաժամանակ հանդիպում կունենան ՌԴ-ի, Ֆրանսիայի, ԱՄՆ-ի ղեկավարների հետ: