Ընդդիմությունը պետք է Կոռուպցիայի դեմ պայքարի խորհրդում վերահսկողական գործառույթ ստանա: Այս մասին փետրվարի 25-ին խորհրդարանում հայտարարեց «Ժառանգություն» խմբակցության ղեկավար Ռուբեն Հակոբյանը՝ քննադատելով վարչապետին առընթեր Կոռուպցիայի դեմ պայքարի խորհրդի նոր կազմը: Նրա կարծիքով, ընդդիմադիրներին Խորհուրդ հրավիրելը միայն բավարար չէ, հարկավոր է նրանց այդ հանձնաժողովը վերահսկելու գործառույթ տալ:
«Քաղաքակիրթ բոլոր երկրներում ընդդիմությունը պետական մարմինների օրինական աշխատանքի վերահսկողության գործառույթ է ստանում: Մեր իշխանությունը դա երբեք չի արել: Եվ ինչպես տեսնում ենք, Հակակոռուպցիոն խորհուրդը մի քանի դրսեւորում է ունեցել, սակայն կոռուպցիան չի պակասել: Այդ պատճառով, պարոն վարչապետ, միխ գլխավորեք Խորհուրդը: Թող այն գլխավորի ընդդիմությունը, եւ թող այնտեղ բարձրագույն իշխանության ներկայացուցիչ չլինի: Այդ դեպքու այն կկարողանա պրոֆեսիոնալ ձեւով լուծել երկրի առջեւ ծառացած խնդիրները»,- դիմելով վարչապետ Հովիկ Աբրահամյանին՝ հայտարարեց Հակոբյանը:
