Փետրվարի 28-ին, ժամը 10.00-ին, ՓԲԸ-ներից մեկի անվտանգության ծառայության ղեկավարից ոստիկանության Արաբկիրի բաժնում հաղորդում է ստացվել, որ նույն օրը, ժամը 06.30-ին, տեխնիկական միջոցների գործադրմամբ Երեւանի Կասյան փողոցի թիվ 1 շենքի մոտ գտնվող, ընկերությանը պատկանող վճարային տերմինալը բացելով՝ գողացել են այնտեղ եղած գումարը:
Ոստիկանության մամուլի ծառայությունից հայտնում են, որ մարտի 1-ին, ժամը 05.45-ին, ոստիկանության ծառայողները Երեւանի Բաղրամյան պողոտայի թիվ 50 շենքի մոտից, գողություն կատարելու կասկածանքով, բերման են ենթարկել 1992 թ. ծնված Վահան Մ.-ին եւ 1989 թ. ծնված Տիգրան Պ.-ին:
Խուզարկությամբ նրանց մոտից հայտնաբերվել են ձեռնոցներ, գլխարկներ, երկու պտուտակահան եւ մեկ լինգ:
Վահան Մ.-ն եւ Տիգրան Պ.-ն խոստովանել են, որ գողությունը կատարել են իրենք:
Կատարվում է քննություն:
