Հայաստանում փոքր բիզնեսի հարկը փաստացի կարող է աճել։ Այդ մասին ասվում է «Հարկատուների իրավունքների պաշտպանություն» ՀԿ-ի կողմից «Շրջանառության հարկի մասին» օրենքի փոփոխությունների վերլուծության մեջ։ Ընդհանուր առմամբ, փորձագետներն օրինագծում նկատում են ոչ միայն թերություններ, այլեւ մի քանի դրական փոփոխություններ։

ՀԿ ներկայացուցիչների կարծիքով, փաստաթղթերով գործարքներից հարկահանումը ճիշտ միջոց է, ավելի լավ է բիզնեսին խթանել մաքուր գործարքների, քան ստիպել, ինչպես օրենքի նախկին խմբագրման մեջ էր։ Միեւնույն ժամանակ, որոշ ապրանքների գծով, նույնիսկ ցանկության դեպքում, անհնար է ապահովել փաստաթղթավորումը թեկուզ 50 տոկոսով, նշվումէ  զեկույցում։ Իսկ դա նշանակում է, որ փաստացի հարկային բեռը մի շարք ձեռնարկատերերի վրա կաճի մինչեւ շրջանառության 5 տոկոսը՝ նախկին 3,5, հետագայում փոխված 1 տոկոսի դիմաց։  

Միեւնույն ժամանակ դուրսգրումների մեթոդիկան ճիշտ է ընտրված, քանի որ ենթադրում է վերահսկողություն միայն գնումների, այլ ոչ շրջանառության վրա։ Իսկ դա նվազեցնում է շփումը հարկային մարմինների հետ, այսինքն՝ կրճատում է կոռուպցիոն ռիսկերը։

Իրավախախտումները կրճատել կօգնի նաեւ հարկահանման շեմը 58,35-ից 113,4 մլն դրամ հասցնելը։ Նախկինում փոքր եւ միջին բիզնեսի շատ սուբյեկտներ թաքցնում էին փաստաթղթաշրջանառության զգալի մասը, որ մնային հարկի նախկին գոտում։