ՀՀ Ֆինանսների նախարարությունը 487 մլն դոլար կտեղաբաշխի արտարժութային պարտատոմսերի 2-րդ թողարկումից: Այդ մասին որոշումն ընդունվել է մարտի 26-ին կայացած Կառավարության նիստում: Մասնավորապես, մարտի 19-ին անցկացրած թողարկումը կազմել է 500 մլն դոլար, տեղաբաշխման հաշվին ընդունվել է 487,8 մլն դոլար: Նշված միջոցներից 205 մլն դոլար տրամադրվել է առաջին թողարկման արտարժութային պարտատոմսերի հետգնման համար 2020թ-ին մարելու ժամկետով` ներառյալ անվանական պարտատոմսերը եւ արժեկտրոնային վճարումները: Մնացած միջոցները հաշվանցվում են Հայաստանի գանձապետարան:
Դրա շնորհիվ կբարձրանա արտարժութային պարտատոմսերի վճարումների միջին ժամկետայնությունը: Եթե ավելի վաղ այն կազմում էր 5.5 տարի, ապա այժմ` երկրորդ թողարկմամբ եւ առաջինի մասնակի հետգնմամբ, այն կկազմի 7.8 տարի: Կկրճատվի նաեւ արտարժութային պարտատոմսերի ապագա վճարումների չափը (2020թ-ին անհրաժեշտ կլինի մարել 500 մլն 700-ի փոխարեն):
Որպես պարտավորությունների կառավարման առաջարկի գործարքի գործակալներ մնացել են նույն կազմակերպությունները, ինչ եւ առաջին թողարկմանի դեպքում (Deutsche Bank AG, HSBC, J.P.Morgan Securities), իսկ պաշտոնական ֆիսկալ գործակալներ` Լոնդոնում եւ Նյու-Յորքում Citibank-ի գրասենյակները: Հայաստանը 2013 թվականի սեպտեմբերի 19–ին առաջին անգամ եվրապարտատոմսերի թողարկում իրականացրեց։ Թողարկման ծավալը կազմել էր 700 մլն դոլար, իսկ տեղաբաշխումը անցել էր հաջող եւ կարճ ժամկետում: