Իսրայելական իրավապաշտպանների B’Tselem խումբը համացանցում երկու հոլովակ է տեղադրել, որտեղ երեւում է, թե ինչպես են զինված իսրայելցի զինծառայողները գիշերն արթնացնում իրենց տներում քնած պաղեստինցի երեխաներին: Այս մասին հաղորդում է The Electronic Intifada-ը:
Զինծառայողները 4-16 տարեկան երեխաներին հարցեր են տալիս եւ հեռախոսով լուսանկարում նրանց: Ստուգումների իրականացվել են Հորդանան գետի Արեւմտյան ափի հարավային հատվածի խոշորագույն Խեւրոն քաղաքում:
Ենթադրվում է, որ ստուգումները նկարահանել են պաղեստինցիները: Երկու տեսանյութն էլ թվագրված են այս տարվա փետրվարի 24-ով:
Իսրայելցի զինվորականը պատմել է, որ ստուգումների պատճառներից մեկն այն է, որ երեխաներն ամբողջ օրը զինվորականների ուղղությամբ քարեր են նետել: Ծնողներից մեկի հարցին, թե ինչու են իրենց տուն ներխուժել գիշերվա կեսին, նույն իսրայելցին պատասպանել է. «Ես չեմ պատրաստվում ձեզ հետ քննարկել իմ օրակարգը»:
Ըստ Lenta-ի, Defence for Children International - Palestine Section ոչ կառավարական անկախ կազմակերպության տվյալներով, իսրայելցի զինվորականները տարեկան 500-ից մինչեւ 700 պաղեստինցի երեխայի են ձերբակալում (նրանց մեծ մասին մեղադրում են իսրայելցի զինվորներին քարկոծելու մեջ):
