Ինչ-որ մարդիկ հավաքել են Մոսկվայի Մեծ Մոսկվորեցկի կամրջի մոտ դրված ծաղիկներն ու լուսանկարները, որտեղ տեղի էր ունեցել ընդդիմադիր քաղաքական գործիչ Բորիս Նեմցովի սպանությունը: Այս մասին Twitter-ի իր միկրոբլոգում գրել է «ՌՊՌ Պառնաս» կուսակցության համանախագահ Նատալյա Պելեւինան: «Սրբել են բոլոր հին ու նոր ծաղիկները, մոմերն ու լուսանկարները: Եկել են գիշերը ժամը 2-ին եւ ամեն ինչ արել շատ արագ: Հրամանով, իհարկե: Ստորություն»,-գրել է նա:
Մոսկվայի պատգամավոր Մաքսիմ Կացն իր հերթին ենթադրել է, որ այդ գործողությունների հետեւում կանգնած են կամ ագրեսիվ տրամադրված երիտասարդ խմբերը, կամ՝ հատուկ ծառայությունները:
Նորությունն արագ տարածվել է սոցիալական ցանցերում եւ մոսկվացիները կարողացել են թեկուզ մասնակիորեն, բայց վերականգնել Բորիս Նեմցովի տարերային հուշարձանը: Գիշերվա կեսին մարդիկ նորից ծաղիկներ են բերել դեպքի վայր:
Ծաղիկներ բերելու համար օգտագործվել է երկու «ԿամԱԶ»: