Մոսկվայի պետական համալսարանում տեղի է ունեցել «Հայաստանի օրակարգը ԵՏՄ-ում» անվանումը կրող կլոր սեղանը, որը տեղի է ունեցել Մոսկվայի ամենամյա տնտեսական ֆորումի շրջանակներում, որի առանցքային թեման է «Նոր կուրս. Ժամանակը չի սպասում»:
Մոսկվայի տնտեսական ֆորումի մասնակիցներից յուրաքնաչյուրը յուրովի հաստատել է, որ անհրաժեշտ է Ռուսաստանի տնտեսական զարգացման նոր մոդել, ռեինդուստրալիզացիա բարձր տեխնոլոգիաների հիման վրա: Ֆորումում ներկայացվել են դրական օրինակներ, հաջող բիզնես-նախագծեր, որոնք անկախ ամեն ինչից կարող են զարգանալ եւ ցույց տալ իրենց կայացածությունը:
Նշենք, որ Մոսկվայի տնտեսական ֆորումի շրջանակում անցյալ տարի տեղի է ունեցել Հայաստանի արդյունաբերական քաղաքականությունը եւ եվրասիական ինտեգրացիան կլոր սեղանը: Այսօր Հայաստանը ԵՏՄ անդամ է եւ ճգնաժամային պայմաններում նրանից ոչ թե սպասում են օգնության կոչեր, այլ երկրի տնտեսությունը զարգացնող առաջարկություններ ու կոնկրետ գործեր:
Կլոր սեղանի նախագահողի` «ռուս-հայկական համագործակցություն» կազմակերպության անդամ Յուրի Նավոյանի խոսքով, ներկա քննարկումը կոչված է ի հայտ բերելու Հայաստանի հնարավորությունները եւ առավելությունները ԵՏՄ-ում եւ ցույց տալ, թե ներկայումս ստեղծված իրավիճակը որքանով է թույ տալիս արդյունավետորեն իրացնելու այդ օրակարգը: Նա ընդգծել է, որ կլոր սեղանի հանգուցային հարցերից մեկն էլ հանդիսանում է ԵՏՄ-ի եւ մնացյալ աշխարհի միջեւ համագործակցությունում Հայաստանի դերի ցուցադրումը:
Դատելով Եվրասիական տնտեսական հանձնաժողովի կոլեգիայի անդամ Կարինե Մինասյանի զեկուցումից, Հայաստանը ԵՏՄ է եկել ոչ թե դատարկ ձեռքով, այլ միջազգային համագործակցության պատկառելի փորձով, զարգացած ֆինանսական եւ ազգային վճարման համակարգերով: Հայաստանը ԵՏՄ անդամներից միակն է, որը անցել է միջազգային ֆինանսական հաշվետվության չափորոշիչների եւ ապահովագրության միասնական համակարգերի: ԵՏՄ անդամ մյուս երկրները դեռ պետք է անեն դա: Եվ այստեղ Հայաստանի փորձը շատ պահանջված է:
Կարինե Մինասյանի խոսքով, Հայաստանի կարճաժամկետ օրակարգը ինտեգրացիային ինտեգրվելն է: ԵՏՄ շրջանակում Հայաստանը զարգացնելու է միության տարածքում առավել պահանջված ճյուղերը` դեղագործությունը, գյուղատնտեսությունը, տեղեկատվական տեխնոլոգիաները, ոսկերչությունը: Կամ նաեւ մի շարք այլ ճկուղեր, որոնք կարող են զարգանալ եւ ԵՏՄ շուկայում սպառում գտնել: Տեղեկատվական տեխնոլոգիաներում Հայաստանը առավելություններ ունի գոնե նրանով, որ երկրում ներկայացված են եւ իրենց մասնաճյուղերը ունեն ՏՏ եւ թվային ապրանքերի ոլորտի աշխարհի համարյա բոլոր առաջատար ձեռնարկությունները: Քիչ չեն նաեւ ծառայությունների ոլորտից սպասումները: Օրինակ, կապիտալ շինարարության ոլորտի ծառայությունները:
Միջոցառման ժամանակ ելույթներով հանդես եկան նաեւ ՌԴ Դաշնային Ժողովի միջազգային գործերի կոմիտեի անդամ Ռաֆայիլ Զինութովը, տնտեսագիտության դոկտորներ Մարինա Տկաչենկոն եւ Ազա Միհրանյանը, քաղաքագետ Անդրեյ Արեշեւը, տեխնիկական գիտությունների դոկտոր Վիկտոր Ստարովոյտովը, Ղազախստանի գործարարների Ազգային պալատի նեկայացուցիչ Բերիկ Ումիբաեւը, ՌԴ գիտության վաստակավոր գործիչ Միխայիլ Շահրամանյանը:
Կլոր սեղանի աշխատանքին մասնակցել են հայկական հասարակական եւ երիտասարդական կազմակերպությունների ներկայացուցիչներ, հայ եւ ռուսասաստանցի գործարարներ: