Հալեպում ահաբեկիչները շարունակում են հայաբնակ թաղամասերի գնդակոծումը։ Այս մասին հայտնում է Հայ առաքելական եկեղեցու Բերիո թեմը։
Ահաբեկիչներն այս անգամ կրակ են արձակել հայաբնակ Նոր Գյուղ թաղամասի վրա եւ ավերել մի շարք շինություններ։
Ահաբեկիչների թիրախն է դարձել նաեւ թաղամասը, որտեղ գտնվում է «Կարեն Էպե» ազգային լիցեյը։ Ահաբեկչության հետեւանքով զոհեր եւ վիրավորներ չկան, քանի որ թաղամասի բնակիչները տեղափոխվել են քաղաքի առավել անվտանգ մասեր։
Ավելի վաղ NEWS.am –ը հայտնել էր, որ Սիրիայի Հալեպ քաղաքի Սուլեյմանիա թաղամասի հրթիռակոծումից վիրավորվել է մի քանի հայ։ Հրթիռակոծումը զգալի նյութական վնաս է հասցրել։ Ահաբեկչական գործողությունների հետեւանքով տուժել է Հայ կաթողիկե եկեղեցու շենքը։Սուլեյմանիա եւ Սեյիդ Ալի թաղամասերի վա արձակված հրթիռների հետեւանքով վիրավորվել է 47 մարդ, այդ թվում՝ կանայք եւ երեխաներ։