Դերասանուհի Վիվիեն Լիի զգեստը, որով նա նկարահանվել է 1939 թվականին էկրանավորված «Քամուց քշվածներում», ԱՄՆ-ում կայացած աճուրդում վաճառվել է 137 հազար դոլարով: Այս մասին հաղորդում է Associated Press-ը:
Աճուրդը կայացել է կալիֆորնիական Բեւեռլի Հիլզում, ապրիլի 18-ին: Սքարլեթ Օ՛Հարայի զգեստը բաղկացած է մոխրագույն ժակետից եւ սեւ կիսաշրջազգեստից:
Ըստ Gazeta-ի, ընդհանուր առմամբ, աճուրդում օսկարակիր ֆիլմից ավելի քան 150 իր է վաճառվել: Բոլորն էլ տրամադրել է Universal ստուդիայի նախկին կոստյումերն ու դիմահարդարը, որը դրանք սկսել է հավաքել 1960-ական թվականներից: Այդ ժամանակ նա Սքարլեթի կոստյումի համար 20 դոլար է վճարել: