Կահիրեի դատարանը Եգիպտոսի նախկին նախագահ Մուհամեդ Մուրսիին դատապարտել է 20 տարվա ազատազրկման՝ նախագահական «Ալ Իթթիհադիա» նստավայրի մոտ 2013-ի աշնանը տեղի ունեցած բողոքի ակցիաների գործով:
Մուսրին մեղադրվում էր ընդդիմության ներկայացուցիչների սպանություններին դրդելու մեջ:
Ավելի վաղ «Մահմեդական եղբայրներ» շարժումը կոչ էր արել Եգիպտոսի քաղաքացիներին դուրս գալ փողոց եւ զանգվածային բողոքի ակցիա անցկացնել՝ ի պաշտպանություն Մուրսիի, հաղորդում է BBC-ի ռուսական ծառայությունը:
Մարտի սկզբին Եգիպտոսի իշխանությունները առաջին մահապատիժն են իրագործել Մուրսիի կողմնակիցներից մեկի նկատմամբ, որը մեղադրվում էր 2013-ի կեսերին բախումների ժամանակ սպանություններ կատարելու մեջ:
