ԱՄՆ նախկին պետքարտուղար Մադլեն Օլբրայթը թույլ է տվել Ռուսաստանի ԱԳ նախարար Սերգեյ Լավրովին ծխելի Նյու Յորքի իր նստավայրում: Այս մասին «Sputnik», «Էխո Մոսկվի» եւ «Խոսում է Մոսկվան» ռադիոկայաններին տված հարցազրույցում պատմել է Սերգեյ Լավրովը: Այդ ժամանակ երկու դիվանագետներն էլ ՄԱԿ-ում իրենց երկրների մշտական ներկայացուցիչներն էին:
«Դա հյուրանոցի հարկ էր, մենք նրա հետ խախտեցինք նույնիսկ այն ժամանակվա բավական ազատական ամերիկյան օրենսդրությունը»,-հայտարարել է նախարարը:
Ինչպես հաղորդում է The New York Times-ը, Լավրովը լինելով մոլի ծխող, 2003-ին բողոք էր հայտնել ընդդեմ ՄԱԿ-ի այն ժամանակվա գլխավոր քարտուղար Քոֆի Անանի որոշման, որով արգելվում էր ծխել ՄԱԿ-ի շտաբ-բնակարանում:
Նախարարը պարզաբանել էր, որ դա անհնար է, քանի որ «Անանն այդ շինության սեփականատերը չէ»: