Չնայած բրիտանացի քաղաքագետների՝ Հայոց ցեղասպանության շուրջ կասկածների առկայության վերաբերյալ պնդումներին, նրանք գիտեն, որ դա ցեղասպանություն է: Այդ մասին NEWS.am-ի թղթակցի հետ զրույցում հայտարարեց Էդինբուրգի համալսարանի եվրոպական պատմության պրոֆեսոր Դոնալդ Բլոքսհեմը:
Նրա խոսքով՝ ընդհանուր առմամբ ցեղասպանությունների կանխումը շատ բարդ հարց է. Դա միշտ կապված է քաղաքական կամքի հետ: «Առկա է այն երկրների հարցը, որոնք միջամտում են այլ երկրների գործերին, որոնց չպետք է միջամտեին: Պատկերացրեք, եթե մենք չպատերազմեինք Իրաքում, չմիջամտեինք Լիբիայում տիրող իրավիճակին. Դա շատ վատ գաղափար կլիներ: Ցեղասպանությունների կանխման հարցը կապված է ոչ միայն միջամտության, այլ նաեւ ավտորիտար ռեժիմներին աջակցելուց, այդ ռեժիմներին զենք վաճառելուց հրաժարման հետ», - նշեց Դոնալդ Բլոքսհեմը: Այդ զենքը կարող է օգտագործվել երկրի ներսում մարդու իրավունքների ոտնահարման նպատակով:
«Ես կցանկանայի, որպեսզի իմ երկիրը ճանաչեր Հայոց ցեղասպանությունը եւ ես իմ հարգանքի տուրքն եմ մատուցում այդ ողբերգության զոհերի հիշատակին», - ընդգծեց Դոնալդ Բլոքսհեմը:
