Իռլանդիայի մայրաքաղաք Դուբլինի արվարձանում գտնվող Թանեյ եկեղեցում Հայոց ցեղասպանության զոհերի հիշատակին նվիրված պատարագ է կազմակերպվել: Պատարագը կազմակերպել է Հայ առաքելական եկեղեցու Իռլանդիայի թեմը, որին ներկա են եղել քրիստոնեական 7 ուղղությունների ներկայացուցիչներ եւ հրեական համայնքի ներկայացուցիչները, հաղորդում է Rtе.ie-ն:
Դուբլինի թեմի արքեպիսկոպոս Մայքլ Ջեքսոնը աղոթք է կարդացել պատարագի ժամանակ:
Իր ելույթում Իռլանդիայում ՀՀ հյուպատոս Հայկ Խեմչյանը կոչ է արել Իռլանդիային ճանաչել Հայոց ցեղասպանությունը՝ հիշեցնելով վերջերս Հռոմի Պապի ուղերձի մասին: