Ուկրաինայի գլխավոր դատախազությունը արտասահմանում նախկին նախագահ Վիկտոր Յանուկովիչի անունով հաշիվներ չի գտել։ Այս մասին հայտարարել է Ուկրաինայի գլխավոր դատախազի տեղակալ Վիտալի Կասկոն։
«Ըստ վերջին տեղեկությունների՝ Յանուկովիչ ավագը գումարները ոչ կանխիկ ձեւով պահելու սովորություն չի ունեցել։ Նա հին մարդ է եւ ամենայն հավանականությամբ փողերը պահել է կանխիկ»,- գրում է «Նովոստի Ուկրաինան»։
2014թ. փետրվարին Ուկրաինայում իշխանափոխությունից հետո Գլխավոր դատախազությունը կալանք էր դրել Վիկտոր Յանուկովիչի եւ մի շարք նախկին պաշտոնյաների 35 մլրդ գրվեն արժողությամբ հաշիվների վրա։ 2015թ. մարտին ԵՄ-ն երկարաձգել էր իշխանազուրկ նախագահի դեմ կիրառված պատժամիջոցները։