Նեպալի ավերիչ երկրաշարժի հետեւանքով զոհերի քանակը հատել է 6 հազարի սահմանը։ Այս մասին լրագրողներին հատնել է երկրի վարչապետ Բամ Դեւ Գաուտամը։ Տուժածների քանակը գերազանցել է 11 հազարը։
«Ավելի քան 6 հազար դիակ է հայտնաբերվել փլատակների տակ»,- մեջբերում է վարչապետի խոսքը Press Trust of India-ն։
Նշենք, որ տարբեր աղբյուրներ զոհերի եւ վիրավորների տարբեր թվեր են նշում։ Այսպես՝ Արտակարգ իրավիճակների ազգային կենտրոնը իր Թվիթերում հայտնում է 5238 զոհի եւ 10348 վիրավորի մասին։
Ոստիկանությունն իր պաշտոնական կայքում տեղեկացնում է, որ կա 5266 զոհ եւ 7605 վիրավոր, փոխանցում է ՏԱՍՍ-ը։