Ի տարբերություն այլ երկրների, որտեւ բռնապետերը սեփական գրքերն են գրում եւ պարտադրում ժողովրդին, Ադրբեջանում, թերեւս, փորձել են ավելի քիչ գումար ծախսել, օգտագործել Գեբելսի, Հիտլերի մտքերը՝ պարզապես փոխելով ժամկետներն ու ժողովուրդների անունները։ Այդ մասին NEWS.am-ի թղթակցի հետ զրույցում ասել է Արցախի նախագահի մամուլի քարտուղար Դավիթ Բաբայանը՝ անդրադառնալով Ադրբեջանի ԱԳՆ մամուլի ծառայության ղեկավար Հիքմեթ Հաջիեւի հայտարարությանը, թե «ԵԱՀԿ Մինկսի խմբի համանախագահների եւ ԱՄՆ Պետդեպարտամենտի հայտարարություններում «Լեռնային Ղարաբաղի ժողովուրդ» արտահայտությունը սխալ է եւ անընդունելի»։
Ըստ Բաբայանի, բնականաբար, դա տվյալ մարդու խնդիրն է։ «Բայց դա շատ նման է նացիստական քարոզի, երբ նացիստները ժողովուրդ չէին համարում տարբեր ազգերի ներկաացուցիչների եւ որոշում էին նրանց ճակատագրերը։ Ինչ վերաբերում է Լեռնային Ղարաբաղի ժողովուրդ եզրին, կարծում եմ, ադ անձին պետք է հիշեցնեմ, որ ադրբեջանցի ժողովուրդ հասկացություն գոյություն չունի։ Ադրբեջանական ժողովուրդը ստեղծվել է արհեստական կերպով եւ կան դա ապացուցող բոլոր փաստաթղթերը»,- ընդգծել է Բաբայանը։
Նրա խոսքով, որքան էլ ադրբեջանական իշխանությունները փորձել թաքցնել այդ խնդիրը, ձուլել ազգային փոքրամասնություններին, ճնշումներ բանեցնել, ահաբեկել, միեւնույն է, դա չի ստացվելու։ «Եւ եթե Ադրբեջանը ցանկանում է նորմալ պետություն դառնալ, լավ ապագա ունենալ, առաջին հերթին պետք է կարգավորի իր երկրում ապրող փոքրամասնությունների հետ»,- ասել է Դավիթ Բաբայանը։