Փրկարար ծառայությունը մայիսի 4-ին, ժամը 14.38-ին ահազանգ է ստացել, որ Եղվարդի խճուղի-Զովունի գյուղ ավտոճանապարհի սկզբնամասում (ՏԿ եւ ԱԻՆ-ի մոտակայքում) տեղի է ունեցել ՃՏՊ, բախվել են «ԿամԱԶ» եւ «Օպել» մակնիշի ավտոմեքենաները. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռեւս չբացահայտված հանգամանքներում Կոտայքի մարզի Զովունի գյուղի 1-ին փողոց եւ Քանաքեռավան գյուղ տանող ավտոճանապարհի խաչմերուկում բախվել են «ԿամԱԶ» մակնիշի 34 AT 353 պետհամարանիշի (վարորդ՝ Ի. Բ., ծնվ. 1985 թ.) եւ «Օպել» մակնիշի 34 LT 151 պետհամարանիշի (վարորդ՝ Ա. Մ., ծնվ. 1977 թ.) ավտոմեքենաները, վերջինիս վարորդը տեղափոխվել է «Արմենիա» ՀԲԿ, որտեղ բժիշկները նրա առողջական վիճակը գնահատել են բավարար:

Հրշեջ-փրկարարները հոսանքազրկել են «Օպել» մակնիշի ավտոմեքենան: