Հայաստանը զբոսաշրջիկներին կարող է հրապուրել կոնյակի տոնավաճառներով։ Այս մասին մայիսի 12-ին լրագրողներն հայտնել է «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը։ Նրա խոսքով՝ նա արդեն նման նախաձեռնությամբ դիմել է կոնյակի գործարաններին եւ հանրապետության տուրիստական ընկերություններին, սակայն այս պահին ոչ մի արդյունքի չի հասել։ «Իսկ հիմա պատկերացրեք, թե քանի զբոսաշրջիկ կգա այդ նույն Ռուսաստանից, երբ իմանա տոնավաճառի մասին»,- ասադ Ադիբեկյանը։
Նրա խոսքով՝ ինքը դիմել է նաեւ Մոսկվայի հայ համայնքին այդ նախագիծը ռուս սպառողների շրջանում շրջանառելու համար։ Դրա պատասխանը եղավ Մոսկվայում հայկական կոնյակի համտեսի պրոմո ակցիան։ «Դրանից հետո հետաքրքրված զբոսաշրջիկներին կարելի կլինի ավելի շատ բան առաջարկել. Էքսկուրսիաներ Հայաստանի կոնյակի գործարաններով։ Սակայն ոչ ոք նախագծով այնքան չի հետաքրքրված, որ հանձն առնի նրա ֆինանսավորումը»,- ասաց նա։
Նշենք, որ Հայաստանի Արենի գյուղում արդեն կա գինու փառատոնի ավանդույթ։
