Ադրբեջանում ԱՄՆ դեսպան Ռոբերտ Սեքութան ղարաբաղյան հակամարտության կողմերին կոչ է արել կամք դրսեւորել։ Այս մասին տեղեկացնում է ԱՊԱ գործակալությունը։
«ԱՄՆ-ը, լինելով ԵԱՀԿ Մինսկի խմբի անդամ, ջանքեր է գործադրում ղարաբաղյան հակամարտության կարգավորման համար։ Այս պահին մենք շարունակում ենք ջանքեր գործադրել այդ ուղղությամբ»,- հայտարարել է դեսպանը։
Նրա խոսքով՝ համանախագահները բանակցություններ են վարում Ադրբեջանի եւ Հայաստանի արտգործնախարարների հետ այս տարի նախագահների հանդիպումը կազմակերպելու համար։ «Արդյունքում չպետք է մոռանանք, որ երկու երկրների ղեկավարները պետք է կամք դրսեւորեն եւ ձգձգված հակամարտության խաղաղ լուծման համար համանախագահների առաջարկած գաղափարների հիման վրա քայլ ձեռնարկեն»,- ասել է նա։