Արաբական կոալիցիայի հաճախակիացած ավիահարվածների պատճառով Եմենում շիա ապստամբները հուսիների «Անսար Ալլահ» շարժման շտաբը Սաադա նահանգից տեղափոխել են Եմենի Դամար կենտրոնական նահանգի լեռնային զանգվածներ։ Այս մասին գրում է «Աշ Շարկ ալ Աուսատ» արաբական պարբերականը՝ վկայակոչելով Եմենում իր աղբյուրները։
Ըստ առկա տեղեկությունների՝ շարժման հրամանատարությունը տեղակայվել է Եմենի մայրաքաղաք Սանայից 100 կմ հեռավորության վրա գտնվող լեռներում։ Այդ շրջանը պաշտպանված է նաեւ հրթիռային սարքավորումներով, գրում է «ՌԻԱ Նովոստի»-ն։