Լատվիայի մայրաքաղաք Ռիգայում մայիսի 21-ին մեկնարկեց ԵՄ «Արեւելյան գործընկերության» երկօրյա գագաթնաժողովը։
Գագաթնաժողովի շրջանակներում կորոշվեն ԵՄ-ի եւ «Արեւելյան գործընկերության» անդամների միջեւ հետագա համագործակցության քայլերը։ Գագաթնաժողովում նախագահելու է Եվրոպայի խորհրդի նախագահ Դոնալդ Տուսկը։ Եվրամիության կողմից հանդես կգան Եվրահանձնաժողովի նախագահ Ժան Կլոդ Յունկերը, Եվրամիության՝ արտաքին գործերի եւ անվտանգության քաղաքականության գերագույն ներկայացուցիչ Ֆեդերիկա Մողերինին եւ այլ եվրահանձնակատարներ։
Գագանթնաժողովում նախատեսվում է քննարկել ԵՏՄ-ին միանալուց հետո Հայաստանի հետ նոր բանակցությունների մեկնարկի համար Եվրահանձնաժողովին մանդատ տրամադրելու հարցը։ Գագաթնաժողովում ԵՄ առաջնորդները եւ «Արեւելյան գործընկերության» անդամները կգնահատեն Ուկրաինայի, Վրաստանի եւ Մոլդովայի հետ ասոցացման համաձայնագրերի նախնական կատարումը եւ Ադրբեջանի ու Բելառուսի հետ համագործակցության վիճակը։
«Արեւելյան գործընկերությունը» 2009թ. ԵՄ անդամների կողմից նախաձեռնած ծրագիրն է։ Նրանում մասնակցում են Հայաստանը, Վրաստանը, Ադրբեջանը, Ուկրաինան, Բելառուսը եւ Մոլդովան։
Ծրագրի նպատակը այդ երկրների միջեւ տարբեր ոլորտներում՝ քաղաքական ասոցացման, ազատ առեւտրի գոտու եւ վիզային ազատականացման համագործակցությունն է։