ԱՄՆ-ը չի պատրաստվում պատերազմել Ուկրաինայի համար, ինչպես արել է Իրաքի դեպքում։ Այս մասին հայտարարել է Սպիտակ տան մամուլի խոսնակ Ջոշուա Էռնեստը։ Լրագրողները համեմատել են երկու երկրներում տիրող իրավիճակը եւ ԱՄՆ նախագահի պաշտոնական ներկայացուցչին խնդրել են մեկնաբանել տարբերությունը։
«Իրաքում մենք գործ ունենք «Իսլամական պետություն» ահաբեկչական խմբավորման կողմից եկող բազմաթիվ տարբեր սպառնալիքների հետ։ Կարծում եմ, մի բան կա, որն ընդհանուր է Իրաքի եւ Ուկրաինայի իրավիճակների համար. ԱՄՆ-ը պաշտպանում է իր ուկրաինացի գործընկերներին, քանի որ նրանք պայքարում են սեփական անվտանգության սպառնալիքի դեմ»,- փոխանցում է ՏԱՍՍ-ը խոսնակի խոսքը։
Նա նշել է նաեւ, որ ԱՄՆ-ը պատրաստ չէ պատերազմել Ուկրաինայի համար, սակայն ԱՄՆ-ն եւ ՆԱՏՕ-ի նրանց դաշնակիցները Ուկրաինային օգնություն ցուցաբերելը հնարավոր են համարում։
