Այսօր հիմնադրված «Քաղաքացիական պայմանագիր» կուսակցության վարչության ղեկավար է ընտրվել արեւելագետ Արայիկ Հարությունյանը:
Նշենք, որ վարչության ղեկավարի թեկնածուները երեքն էին՝ վարչության անդամ Ալեն Սիմոնյանը, Արայիկ Հարությունյանը եւ Նիկոլ Փաշինյանը:
Սիմոնյանն ու Փաշինյանը ինքնաբացարկ հայտնեցին:
Փակ գաղտնի քվեարկությամբ «Քաղաքացիական պայմանագրի» վարչության նախագահ ընտրվեց Արայիկ Հարությունյանը:
Մինչ այդ կուսակցության վարչության անդամներ են ընտրվել Արայիկ Հարությունյանը, Նիկոլ Փաշինյանը, Սասուն Միքայելյանը, Ալեն Սիմոնյանը, Լենա Նազարյանը, Մարինե Մանուչարյանը, Վիլեն Գաբրիելյանը, Ռոմանոս Պետրոսյանը, Նարեկ Բաբայանը, Հակոբ Սիմիդյանը, Ռուբեն Ռուբինյանը, Հակոբ Արշակյանը, Սուրեն Էրամջյանը: