Ղազախստանի արտգործնախարար Երլան Իդրիսովը հայտարարել է, որ ՆԱՏՕ-ն միջազգային տարածաշրջանային անվտանգության ապահովման կարեւոր գործընկեր է։ Այս մասին ասված է նախարարության պաշտոնական կայքում։
«Արտգործնախարարը միջազգային հանրության առջեւ կանգնած մարտահրավերների ֆոնին նշել է միջխորհրդարանական երկխոսության արդիականությունն ու կարեւորությունը։ Նա հայտարարել է, որ Ղազախստանը մեծ կարեւորություն է տալիս ՆԱՏՕ-ի հետ համագործակցելուն եւ ՆԱՏՕ-ին միջազգային տարածաշրջանային անվտանգության ապահովման կարեւոր գործընկեր է համարում»,- ասված է հայտարարության մեջ։