«Ոչ թալանին» նախաձեռնության անդամ Վաղինակ Շուշանյանի առողջական վիճակը քիչ առաջ վատացել է Ազատության հրապարակում։
Նախաձեռնության անդամ Արթուր Քոչարյանի խոսքով, ակտիվիստի համար շտապօգնություն են կանչել, քանի որ նրա ճնշումն է բարձրացել։ Շուշանյանին առաջին բուժօգնություն են ցուցաբերել, ինչից հետո նա ընկերների պնդմամբ տուն է գնացել՝ չկարողանալով շարունակել նստացույցը։
Նշենք, որ Վաղինակ Շուշանյանն ու նախաձեռնության մյուս անդամները մի խումբ ցուցարարների հետ ժամեր առաջ լքել էին Բաղրամյան պողոտան եւ տեղափոխվել Ազատության հրապարակ, որտեղ Վաղինակ Շուշանյաննն անժամկետ նստացույց էր հայտարարել։