Էլեկտրաէներգիայի թանկացման հետ կապված խնդիրները շատ են, իսկ լուծումները հեշտ չեն: Այս մասին, այսօր՝ հունիսի 30-ին, Կառավարակության կազմակերպած տնտեսական ֆորումի ժամանակ հայտարարել է ՀՀ վարչապետ Հովիկ Աբրահամյանը:
Նրա խոսքով, խոշոր ընկերությունները, այդ թվում «Հայաստանի էլեկտրական ցանցերը», պարտքեր են կուտակել, իսկ դրանք կարող են հանգեցնել անշրջելի կորուստների: «Նոր սակագներ են հաստատվել, որոնք չէին կարող դժգոհություն չառաջացնել որոշ մեր քաղաքացիների մոտ: Մենք պետք է անենք ամեն բան էներգետիկ ոլորն առողջացնելու եւ հասարակությանն աջակցելու համար»,-նշել է վարչապետը:
«Մենք մեր գործընկերների՝ Համաշխարհային բանկի և ԱՄՆ Միջազգային Զարգացման գործակալության հետ պատրաստել ենք 2016-2036 թթ. էներգետիկ համակարգի ռազմավարական զարգացման ծրագիրը, որը շուտով կդնենք լայն մասնագիտական և հանրային քննարկման: Վստահ եմ, որ հանրության լայն ընդգրկումն այս քննարկումներին հնարավորություն կտա բարձրացնել վստահությունը դեպի կայուն և վստահելի էներգետիկ համակարգ ունենալուն մեր քաղաքականությանը»,-ընդգծել է նա: