Որոշ միջազգային կազմակերպություններ շտապեցին Հայաստանի մասով կանխատեսումները վատթարացնելու հարցում: Այս մասին, այսօր՝ հունիսի 30-ին, Երեւանում կառավարության կազմակերպած տնտեսական ֆորումի ժամանակ հայտարարել է Էկոնոմիկայի նախարար Կարեն Ճշմարիտյանը:
Նա հիշեցրել է, որ 2014 թվականին Հայաստանի ՀՆԱ-ն աճել է 3,5 տոկոսով, իսկ 2015-ի առաջին եռամսյակում՝ 2,2 տոկոսով:
Ազգային վիճակագրական վարչության տվյալներով 2015-ի հունվար-մայիսին տնտեսական ակտիվության ցուցանիշն աճել է 2,7 տոկոսով: Տնտեսական աճ է արձանագրվել բոլոր ոլորտներում, բացառությամբ առեւտրի: Արդյունաբերությունն աճել է 4,5 տոկոսով, գյուղատնտեսությունը՝ 6 տոկոսով, ծառայությունների ոլորտը՝ 3,8 տոկոսով, շինարարությունը՝ 0,4 տոկոսով:
«Ոչ ոչ չեղյալ չի հայտարարել մեր տարածաշրջանի երկրներում, մեր կարեւոր առեւտրային գործընկերների դժվարությունները, բայց մենք պետք է հիմնվենք սեփական հնարավորությունների եւ ուժերի վրա»,-հավելել է նախարարը:
