Ճապոնիայում պաշտոնապես բացվել է երկրի խորհրդանիշ՝ Ֆուձի լեռը բարձրանալու սեզոնը։ Հազարավոր զբոսաշրջիկներ ուղեւորվել են այնտեղ՝ այս տարի լեռան գագաթը հաղթահարելու նպատակով։
Եղանակն, իհարկե, մի փոքր տխրեցրել է էնտուզիաստներին. Տոկիոյում անձրեւներ են տեղում, փոխանցում է ՏԱՍՍ-ը։
Ֆուձին Ճապոնիայի ամենաբարձր լեռն է՝ 3776 մ։ Թեեւ այն բարձրանալու համար լեռնագնացի հատուկ սարքավորումներ անհրաժեշտ չեն, շատերի համար դա բարդ է։ Մինչեւ գագաթն ընկած ճանապարհը տեւում է 6 ժամ։ Ամեն տարի այս լեռը բարձրանում են մինչեւ 400 հազար մարդ։