Սեւան քաղաքի բնակչուհի Ելենա Ա.-ն դիմել է NEWS.am-ի խմբագրությունում՝ բողոքելով ոստիկանների գործողությունների դեմ:
Ելենայի պատմությունը սկսվել է մի քանի տարի առաջ, սակայն Ոստիկանություն ուղարկված բազմաթիվ դիմումները դեռեւս ցանկալի արդյունք չեն տվել: Ելենան չնայած Հայաստանի քաղաքացի է, սակայն ծնողների հետ Սեւանում բնակություն է հաստատել 1990 թվականին Բաքվից փոխադրվելուց հետո՝ այնտեղ թողնելով ամբողջ անշարժ գույքը:
Մասնագիտության լեզբաբան Ելենան ասում է՝ Հայաստան փոխադրվելուց հետո, հանրապետությունում գոյություն ունեցող գործազրկության խնդիրների պատճառով, չի կարողացել գործի անցնել: Առողջական բազմաթիվ խնդիրների ունի, եւ դեղորայքի ստանալու համար դիմել է Սեւանի պոլիկլինիկա: Բայց այստեղ այնքան էլ մեծ ուրախությամբ չեն ընդունել կնոջը: 2013 թվականի մայիսի 15-ին հերթական անգամ դիմելիս հրաժարվել են նրան դեղորայք տալ՝ չնայած գրավոր կարգադրության առկայությանը: Ելենայի խոսքով՝ հիմնական կոնֆլիկտը պոլիկլինիկայի տնօրեն Հասմիկ Ղազարյանի հետ է եղել: Վիճաբանությունից հետո վերջինը ոստիկանություն է կանչել:
Ժամանակ իրավապահներն այցելուների եւ անցորդների աչքի առջեւ Ելենային ուժով դուրս են բերել պոլիկլինիկայից: Ընդ որում, տուժել է ոչ միայն կնոջ ինքնասիրությունը, այլեւ ձեռքն ու հագուստը: Իրավապահները կնոջը ոչ թե ոստիկանության բաժանմունք, այլ Սեւանի հոգեբուժարան են տարել: Իրենց գործողությունները ոստիկանները մեկնաբանել են այսպես. տնօրենն է այդպես ասել: Հոգեբուժարանում զարմացել են ու բաց թողել Ելենային:
Կինը դիմել է ոստիկանություն: Տեղում բանավոր ներողություն են խնդրել: Սակայն Ելենային ներողությունը չի բավարարում, եւ կինը պահանջում է պատժել մեղավորներին: Երկու տարվա ընթացքում նա հասցրել է դիմել ոստիկանության կենտրոնական ապարատին, որտեղից էլ պատասխան է ստացել, որ իրավապահների գործողություններում մեղավորություն չկա: Համառորեն հանդիպում խնդրելով գնդապետ Հակոբյանի հետ, որի ստորագրությունն է եղել «հրաժարվելու» մասին փաստաթղթի տակ, Ելենան պարզել է, որ նա ընդհանրապես ծանոթ չէ իր գործին:
Կնոջ խոսքով՝ քանի որ հայերեն չգիտի, իր ցուցմունքները կարող էին պարզապես սխալ գրառել կամ կեղծել:
Հիմա Ելենան պատրաստվում է դիմել Հատուկ քննչական ծառայություն:
