Օրեր առաջ Սիրիայի քրդաբնակ Քոբանի ներխուժած իսլամիստ ահաբեկիչները կոտորել են 233 խաղաղ բնակչի։ Այս մասին հայտնել է Սիրիայի քրդերի պաշտպանական կառույց YPG-ի (Ժողովրդի պաշտպանության ուժեր) մամուլի կենտրոնը։
YPG-ի տարածած հայտարարության մեջ նշվել է, որ հունիսի 25-ի վաղ առավոտյան 80-ից 100 ահաբեկիչ Քոբանիի հարավային մասով փոքր խմբերով մտել են եւ մի այլ վայրում միավորվել եւ ներխուժել Քոբանի՝ սկսելով խաղաղ բնակչության կոտորած։
«Իսլամական պետության ահաբեկիչների որոշ խմբեր մտել են Թուրքիայից։ Այդ ամենին վկա բազմաթիվ ականատեսներ կան։
YPG-ի իրականացրած գործողության արդյունքում Քոբանի մտած գրեթե բոլոր ահաբեկիչները սպանվել են, 7-ը՝ փախել Թուրքիա, 8-ը՝ հեռացել Քոբանիի հարավ, իսկ մեկն էլ գերի է ընկել։
Կոտորածի հետեւանքով Բերխբոթան գյուղում սպանվել է 23 եւ Քոբանիում՝ 210 խաղաղ բնակիչ։ 273-ն էլ վիրավորված տեղափոխվել են հիվանդանոցներ։ Իսլամիստների դեմ գործողության ժամանակ մահացել է YPG-ի 23 զինյալ»,-նշվել է հայտարարության մեջ։