Ռուսական միջկառավարական համաձայնությամբ Հայաստանին տրամադրած պետական արտահանման վարկի շրջանակներում ձեռք բերված ռազմական տեխնիկան թույլ կտա բարելավել հայ-ադրբեջանական սահմանին տեղակայված սպառազինությունները։Այս մասին հուլիսի 2-ին ԱԺ-ում հայտարարեց ՀՀ պաշտպանության փոխնախարար Արա Նազարյանը՝ պատասխանելով ՀՅԴ պատգամավոր Արծվիկ Մինասյանի այն հարցին, թե ձեռք բերած տեխնիկան կարո՞ղ է ուժեղացնել հայ-ադրբեջանական սահմանի պաշտպանությունը։
Նազարյանի խոսքով՝ այդ ռազմական տեխնիկայի առկայությունը թույլ կտա լուծել համալիր խնդիրներ։ Մինասյանը նաեւ հետաքրքրվեց, թե ինչով է պայմանավորված վարկի հաշվարկները ԱՄՆ դոլարով ձեւակերպելու հանգամանքը, եթե ՌԴ-ն վարկը տրամադրում է ռուբլով։ «Դոլարի հետ կապված տնտեսական քաղաքականության առումով սա ռուսական կողմի քաղաքականությունն է։ Որքանով ես եմ տեղյակ, հակառակ դեպքում ՌԴ ու ՀՀ ԿԲ-ներից բացի կլիներ նաեւ երրորդ բանկի կարիքը, ինչը կարող էր երկարաձգել պայմանագրի ստորագրումը»,-ասաց Նազարյանը։