Դրանց գլուխները պտի ջարդվի: Այսօր՝ հուլիսի 2-ին, ԱԺ-ում լրագրողների հետ զրույցում հայտարարել է ԱԺ ՀՀԿ-ական պատգամավոր, գեներալ Մանվել Գրիգորյանը՝ խոսելով ՀՀ էներեգետիկ համակարգը թալանողների մասին:
Անդրադառնալով Բաղրամյան պողոտայում էլեկտրաէներգիայի թանկացման դեմ արդեն 10 օր շարունակ ընթացող բողոքի ակցիային, Մանվել Գրիգորյանը նշել է. «Դե ժողովուրդ են, ամեն մարդ իրա գործն ա անում: Թող մարդիկ պողոտայում մնան՝ ինչքան ուզում են, կարգին էլ գործ են անում: Ժողովուրդ են, եկել են հանգստանում են, ինձ չեն խանգարում»:
Հարցին, թե իր կարծիքով դեռ որքա՞ն ժամանակ կարող են ցուցարարները փակ պահել պողոտան, ՀՀԿ-ական պատգամավորն արձագանքել է. «Սա մեր երկիրն ա, մեր տունն ա: Եթե դուք կարծում եք, թե էս երկրում կա մի մարդ, որ ուզում ա, որ ինչ-որ գին բարձրանա, ուրեմն սխալվում եք: Չկա տենց մարդ»: