Մեծ Բրիտանիայի Բրայթոն քաղաքում Քուվեյթից ժամանած զբոսաշրջիկ է ձերբակալվել, քանի որ ոստիկանները կասկածել են, որ նա ահաբեկչական գործողություն իրականացնելու ցանկություն ունի:
Տղամարդը սելֆի է արել եւ նրա վարքը կասկածելի է թվացել ոստիկաններին: Արժե նշել, որ Թունիսում ահաբեկչությունից հետո, Մեծ Բրիտանիայում բարձրացրել են ահաբեկչության սպառնալիքի մակարդակը՝ հասնելով «շատ ծանր»-ի, ուստի ոստիկանությունն աշխատում է ուժեղացված ռեժիմով, հաղորդում է Informing-ը:
Զբոսաշրջիկի հեռախոսն առգրավել են, եւ մասնագետներն ուսումնասիրում են դրա պարունակությունը: Եթե ձերբակալման հիմքեր չհայտնաբերվել, հեռախոսը կվերադարձնեն:
Քուվեյթցի 38-ամյա զբոսաշրջիկը մի քանի լուսանկար է արել Բրայթոնի առեւտրի կենտրոններից մեկի տանիքին: Հենց դա էլ կասկածելի է թվացել ոստիկաններին: