Հայաստանի ՏԿԱԻՆ-ում, այսօր՝ հուլիսի 22-ին, ժամը 05.17-ին ահազանգ է ստացվել, որ Սեւան-Երեւան ավտոճանապարհին` Աբովյանի կամրջի մոտակայքում, տեղի է ունեցել ավտովթար, առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Երեւան-Սեւան հատվածի 20-րդ կմ-ում բախվել են «ԶԻԼ 130» մակնիշի 32 SO 823 համարնիշի բեռնատար (վարորդ` 47-ամյա Հ. Ն.) եւ «Ֆոլքսվագեն Գոլֆ» մակնիշի 34 CA 282 համարանիշի (վարորդ` 51-ամյա Ռ. Մ.) ավտոմեքենաները:
Մինչ հրշեջ-փրկարարների կանչի վայր հասնելը՝ վարորդ Ռ. Մ. -ն եւ ուղեւոր` 33-ամյա Ռ. Գ.-ն, ստանալով տարբեր աստիճանի մարմնական վնասվածքներ, հոսպիտալացվել են Աբովյան քաղաքի բժշկական կենտրոն:
Բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան եւ դադարեցրել գազի արտահոսքը: