«Թուրքական հոսք» գազամուղի առաջին գիծը կառուցող ընկերությունների հետ բանակցությունները կսկսվեն մոտ ժամանակներս: Այս նախագիծն ամբողջովին համապատասխանում է Ռուսաստանի եւ Թուրքիայի շահերին, հայտարարել է ՌԴ վարչապետ Դմիտրի Մեդվեդեւը:
«Այսօր Եվրոպային եւ առաջին հերթին նրա հարավ-արեւելյան հատվածին անխափան գազ մատակարարող առանցքային նախագիծը «Թուրքական հոսքն» է: Մենք հույս ունենք, որ այն կկառուցվի պլանավորված ժամկետներում: Մոտ ժամանակներս կսկսվեն գազամուղի առաջին գիծը կառուցող ընկերությունների հետ բանակցությունները: Նշեմ, որ «Թուրքական հոսքը» լիովին համապատասխանում է Ռուսաստանի եւ Թուրքիայի շահերին»,- սլովենական DELO-ին տված հարցազրույցի ժամանկ :հայտարարել է Մեդվեդեւը
Վարչապետը հիշեցրել է, որ Թուրքիայից բացի, նախագծի նկատմամբ հետաքրքրություն են ցուցաբերում Հունգարիան, Հունաստանը, Մակեդոնիան եւ Սերբիան, փոխանցում է «ՌԻԱ Նովոստի»-ն: