Հայաստանի քաղաքացիական հասարակությունը չի կարող սպասել, մինչեւ ժողովրդից հեռու գտնվող պաշտոնյաները կոռուպցիայի դեմ պայքարի օրակարգ ձեւավորեն: Այս մասին, այսօր՝ հուլիսի 29-ին, Երեւանում կոռուպցիայի դեմ պայքարին նվիրված կլոր սեղանի ժամանակ հայտարարել է Հայաստանում ԵՄ պատվիրակության տնտեսական խորհրդական Ալեսանդրո Ձանոտտան:
Միջոցառման ժամանակ, որի կազմակերպիչը «Transparency International»-ի հայաստանյան գրասենյակն է, ողջույնի խոսքով հանդես է եկել ՀՀ արդարադատության փոխնախարար Սուրեն Քրմոյանը:
Ձանոտտայի խոսքով, հասարակական կազմակերպությունները պետք է իրենք փորձեն փոփոխություններ մտցնել կոռուպցիայի դեմ պայքարի գործընթացում: «Այստեղ ԵՄ պատվիրակությունը նախկինի պես պատրաստ է աջակցել քաղաքացիական սեկտորին՝ պետական կազմակերպությունների հետ արդյունավետ երկխոսության համար ինստիտուցիոնալ ունակությունների զարգացման հարցում»,-հավելել է նա: