Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը կարող է պատասխանել այն երկրների պատժամիջոցներին, որոնք ԵՄ կազմում չեն, բայց միացել են ՌԴ-ի դեմ սահմանափակող միջոցառումներին, հաղորդում է ՏԱՍՍ-ը:
«Անկասկած, կարող են հետեւել պատասխան միջոցառումներ»,-հայտարարել է Պեսկովը:
Նա հերթական անգամ ընդգծել է, որ «հիմնարար է համարվում փոխադարձության սկզբունքը»:
Նշենք, որ հուլիսի 29-ին հայտնի է դարձել, որ Ռուսաստանի նկատմամբ ԵՄ-ի տնտեսական պատժամիջոցներին են միացել եւս 7 երկրներ՝ Չեռնոգորիան, Ալբանիան, Իսլանդիան, Լիխտենշտեյնը, Նորվեգիան, Վրաստանը եւ Ուկրաինան:
